ملک میں سونا مزید سستا، فی تولہ قیمت میں 460 روپے کمی

کراچی: ملک میں سونے کی قیمت میں کمی کا سلسلہ جاری ہے، آج فی تولہ سونا مزید 460 روپے سستا ہوگیا، جس کے بعد نئی قیمت 3 لاکھ 58 ہزار 595 روپے مقرر کی گئی ہے۔

آل پاکستان جیمز اینڈ جیولرز ایسوسی ایشن کے مطابق 10 گرام سونے کی قیمت میں 394 روپے کمی ہوئی، اور اب نئی قیمت 3 لاکھ 7 ہزار 437 روپے ہے۔

عالمی مارکیٹ میں بھی سونے کی قیمت میں کمی دیکھی گئی، جہاں سونا 6 ڈالر سستا ہوکر 3372 ڈالر فی اونس پر آگیا۔

یاد رہے، گزشتہ روز بھی سونے کی فی تولہ قیمت میں 2245 روپے کی نمایاں کمی ریکارڈ کی گئی تھی۔